මානව හිමිකම් කවුන්සිලයේ තාක්ෂණික සහාය ඇතිව ශ්රී ලංකාවේ මානව හිමිකම් කඩවීම පිළිබඳව දේශීය යාන්ත්රණයක් මගින් පමණක් වගවීමේ ක්රියාවලියකට පිවිසීමට රජය සූදානමින් පසු වන බව අමාත්ය විජිත හේරත් මහතා අද (10) ජිනීවාහි දී මානව හිමිකම් කොමසාරිස් Volker Turk මහතා හමු වී දන්වා තිබේ.
මානව හිමිකම් කවුන්සිලයේ 60වන සැසියට සහභාගි වීමට ජිනීවා ගොස් සිටින අමාත්ය විජිත හේරත් මහතා සහ එක්සත් ජාතීන්ගේ මානව හිමිකම් කොමසාරිස් Volker Turk මහතා අතර හමුවක් අද (10) සිදු විය.
එහිදී Volker Turk මහතා ඉදිරිපත් කළ වාර්තාව සම්බන්ධයෙන් දීර්ඝව සාකච්ඡා කර ඇත.
එම වාර්තාව සම්බන්ධයෙන් ශ්රී ලංකාවේ ස්ථාවරය සවිස්තරාත්මකව අමාත්ය විජිත හේරත් මහතා පැහැදිලි කර තිබේ.
නව රජය යටතේ ලංකාවේ මානව හිමිකම් ආරක්ෂා කිරීම සම්බන්ධයෙන් නව හැරවුමක් ලබා ඇති බවත් අතීතයේ සිදු වූ මානව හිමිකම් කඩවීම් සම්බන්ධයෙන් ස්වාධීන පරීක්ෂණයක් සිදු කිරීමටත් සහ වගවීමේ යාන්ත්රණය නිසි පරිදි ස්ථාපිත කිරීමටත් මේ ලැබී ඇති අවස්ථාව මගනොහරිනු ඇතැයි එක්සත් ජාතීන්ගේ මානව හිමිකම් කොමසාරිස් සිය අපේක්ෂාව පළකළ ඇත.
