ඒ, අදාළ අනතුර සම්බන්ධයෙන් පන්සියගම පොලීසිය බී වාර්තාවක් මගින් අධිකරණයට කළ කරුණු දැක්වීම සළකා බලමින් ය. පරික්ෂණ සඳහා යාන්ත්රික ඉංජිනේරුවන්ගේ සහය ලබාගන්නැයි ද, මහේස්ත්රාත්වරිය පොලීසියට දැනුම් දුන්නේ ය. අපවත් වූ භික්ෂූන් වහන්සේගේ දේහයන් පිළිබඳ පශ්චාත් මරණ පරික්ෂණ වාර්තා වෙන් වෙන්ව අධිකරණය හමුවට ඉදිරිපත් කරන ලෙස නියෝග කළ මහේස්ත්රාත්වරිය, උන්වහන්සේගේ දේහයන් භාරකරුවන් වෙත මුදා හරින්නැයි කුරුණෑගල රෝහලේ අධිකරණ වෛද්ය නිලධාරීවරයාට නියෝග කළේ ය. මේ අතර අපවත් වූ භික්ෂූන් වහන්සේගේ දේහයන් පිළිබඳ පශ්චාත් මරණ පරික්ෂණ කුරුණෑගල ශික්ෂණ රෝහලේදී අද පස්වරුවේ සිදු කෙරිණ.
Source: News 1st
