ආසියානු කුසලාන විස්සයි විස්ස ක්‍රිකට් තරගාවලියේ 09 වැනි තරගයෙන් ඇෆ්ගනිස්ථානය පරදවා ලකුණු 08 ක විශිෂ්ඨ ජයක් ලබා ගැනීමට බංග්ලාදේශ කණ්ඩායම ඊයේ සමත් වුණා.
තරගයේ කාසියේ වාසිය දිනාගත් බංග්ලාදේශ කණ්ඩායම පළමුවෙන් පන්දුවට පහරදීමට තීරණය කළ අතර, ඔවුන් සිය පන්දුවාර 20 තුළ කඩුලු 05 ක් දැවී ලකුණු 154 ක් ලබා ගත්තා.
පන්දුවට පහරදීමේදී බංග්ලාදේශ කණ්ඩායම වෙනුවෙන් Tanzid Hasan ලකුණු 52 ක්, Saif Hassan ලකුණු 30 ක් හා Towhid Hridoy ලකුණු 26 ක් ලබාගත් අතර, පන්දු යැවීමේදී ඇෆ්ගනිස්ථාන කණ්ඩායම වෙනුවෙන් Rashid Khan හා Noor Ahmad කඩුලු 02 බැගින් ද, Azmatullah Omarzai එක් කඩුල්ලක් ද බිඳ හෙළීමට සමත් වුණා.
තරගයේ පිළිතුරු ඉනිම ක්‍රීඩා කළ ඇෆ්ගනිස්ථාන කණ්ඩායමට සිය පන්දුවාර 20 තුළ සියලු දෙනා දැවී ලබා ගැනීමට හැකියාව ලැබුණේ ලකුණු 146 ක් පමණයි.
පන්දුවට පහරදීමේදී ඇෆ්ගනිස්ථාන කණ්ඩායම වෙනුවෙන් Rahmanullah Gurbaz ලකුණු 35 ක්, Azmatullah Omarzai ලකුණු 30 ක් ලබාගත් අතර, පන්දු යැවීමේදී බංග්ලාදේශ කණ්ඩායම වෙනුවෙන් Mustafizur Rahman කඩුලු 03 ක්ද, Nasum Ahmed, Taskin Ahmed හා Rishad Hossain කඩුලු 02 බැඟින් ද බිඳ හෙළීමට සමත් වුණා.
